Skarðshlíðarskóli fær styrk úr sjóðnum Forritarar framtíðarinnar
Skarðshlíðarskóli hefur fengið úthlutað styrk úr sjóðnum Forritarar framtíðarinnar. Forritarar framtíðarinnar er samfélagsverkefni sem hefur það hlutverk að efla og auka áhuga á forritun og hagnýtingu á tækni í skólum landsins.
Skarðshlíðarskóli fékk styrk til kaupa á minni tækjum í forritunar- og tæknikennslu og nýtti hann til kaupa á Lego WeDo.
Með Lego WeDo byggja nemendur og forrita auðveldar vélar, sem tengjast við tölvu og læra þannig undirstöðuna í forritun og ýmislegt um vélbúnað.