7. bekkur hefur undanfarnar tvær vikur unnið að áhugasviðsverkefni og haldin var sýning á lokaafurð föstudaginn 2. júní. Foreldrar og aðrir forráðamenn voru boðnir í heimsókn og heppnaðist sýningin afskaplega vel. Nemendur fengu frjálsar hendur með viðfangsefni en skilyrði var að tengja efnið á einhvern hátt annað hvort við loftlagsbreytingar, mengun eða trúarbrögð. Mörg glæsileg verkefni litu dagsins ljós og metnaður nemenda var í fyrirrúmi.