Sérstakur íþrótta- og tómstundastyrkur til viðbótar hefðbundnum frístundastyrk í boði til 1. mars 2021

Nemendur í 9. bekk hafa verið að læra um þrýsting í Kraumi sem kallað er Geimurinn.

Í þessari viku höfum við einblínt á loftþrýsting og fór hópurinn í tilraunatíma í náttúrufræðistofunni til að skilja fyrirbærið betur.

Þann 18. janúar fer af stað önnur Lestrarkeppni grunnskóla þar sem keppt er um fjölda setninga sem nemendur lesa inn á síðunni samrómur.is. Forseti Íslands mun setja keppnina formlega klukkan 15:00 í Fellaskóla, streymt verður beint á Facebook-síðu Samróms. Keppnin stendur yfir í viku og lýkur á miðnætti þann 25. janúar.

Keppnin er til þess að hvetja ungt fólk til þátttöku í verkefninu Samrómur sem snýr að því að safna upptökum af lestri sem notaðar verða til að kenna tölvum og tækjum að skilja íslensku. Hægt er að lesa meira á síðu Samróms.

Til þess að taka þátt fara nemendurnir á vefinn, biðja um leyfi foreldris/forráðamanns (hafi það ekki þegar verið gert), velja sinn skóla og lesa svo inn setningar sem birtast á vefnum. Staða keppninnar er birt jafnóðum í stigatöflu sem er aðgengileg inni á síðunni.

Allir geta tekið þátt og eru foreldrar/forráðamenn og starfsmenn hvattir til þess að taka virkan þátt í keppninni.

Áfram Skarðshlíðarskóli !!!