Nemendur í 1. bekk læra forritun
Hluti af nemendum í 1. bekk fengu kennslu í dag í forritun á Blue-bot bjöllum, seinni hópurinn fær sömu fræðslu á föstudaginn. Með bjöllunum er hægt að læra forritun á einfaldan og lærdómsríkan hátt. Þær eru litlir róbótar sem henta vel nemendum á yngsta stigi og eru góðar til að þjálfa grunnhugtök forritunar. Hægt er að forrita Blue-bot bjölluna bæði með því að ýta á takkana ofan á róbótanum og með spjaldtölvu. Forritunin getur því bæði verið með eða án skjás. Í dag lærðu þau forritun án skjás. Allir voru mjög áhugasamir og stóðu sig vel eins og myndirnar sýna.