Bókasafnið komið í jólabúninginn!

Sandra safnstjóri bókasafns Skarðshlíðarskóla hefur verið með kynningu á bókum sem hún kallar „stefnumót við jólabækur“. Þá skoðar hún nýjar bækur sem eru að koma út núna fyrir jólin með nemendum skólans. Hún og krakkarnir spjalla um þær í jólalegu og notalegu umhverfi bókasafnsins. Allir geta þá fundið bækur við sitt hæfi fyrir jólin. Mikilvægt er að minna á að nóg er að vera með eina bók í einu svo allir fái tækifæri til að lesa nýjustu bækurnar núna í desember og í jólafríinu.