Alþjóðlegi netöryggisdagurinn
Alþjóðlegi netöryggisdagurinn er í dag, 11.febrúar.
Í tilefni af honum fá nemendur Skarðshlíðarskóla á næstu dögum kynningu á þeim hættum sem geta leynst á netinu.
Viðfangsefnin verða misjöfn eftir bekkjum en meðal annars verður farið yfir hvernig varast á gylliboð og svik á netinu, hverju skal deila með gát og hvernig hægt sé á að búa til bestu lykilorðin.
Til stuðnings verður notað efni af síðunni:
https://beinternetawesome.withgoogle.com
Þar eru einnig skemmtilegir leikir sem kynna netöryggi fyrir börnum og unglingum.
Við hvetjum foreldra og forráðamenn að kynna sér það efni sem finna má á SAFT.is.
Við viljum einnig benda á upptöku af fyrirlestrinum ,,Ung börn og snjalltæki" sem haldinn var í tilefni dagsins í Engidalsskóla en hægt er að horfa á upptöku af fyrirlestrinum á facebooksíðu Heimilis og skóla.