Bolludagur, öskudagur og skipulagsdagur.
Mánudagurinn 12. febrúar er bolludagur, þá mega nemendur
koma með bollur í skólann til að gæða sér á í nestistímanum.
Á miðvikudaginn er öskudagur og þá mega allir vera í búningi (en við
skiljum öll vopn sem tilheyra búningnum eftir heima). Heyrst hefur
að starfsfólkið í Skarðshlíðarskóla ætli að sýna á sér nýjar og óvæntar hliðar!
Við byrjum daginn í skólanum, förum snemma í frímínútur og höldum svo
ball í salnum í Ásvallalaug. Við borðum hádegismat í fyrra fallinu en skóla
lýkur kl. 11:10 og rútan fer frá skólanum um 11:20.
Skarðssel er opið fyrir þá nemendur sem eru skráðir þar.
Föstudaginn 23. febrúar er skipulagsdagur, en þá mæta nemendur ekki í skólann
og svo er vetrarfrí mánudaginn 26. og 27. febrúar.